Oil

Эфирийн тос нь 12 төрөлд хуваагддаг. Адил төрлийн нэг бүлгийн эфирийн тосны таарамжийг сайн гэж үздэг.

1. Нимбэг буюу цитрусын төрөл /CITRUS/ нь сэнгэсэн, сэргээх чанартай, исгэлэн догшин амттай шинэлэг жимсний үнэртэй. Үүнд: бэрсүүт жүрж, амтат жүрж, гашуун жүрж, алтан жүрж, нимбэг гэх мэт орно.
2. Жимс, ногоо самарны төрөл /FRUITS, VEGETABLES AND NUTS/ Цитрус төрлийн жимснүүдээс бусад жимсний ноот нь сүүлийн жилүүдэд түгээмэл хэрэглэгдэж байгаа учир өөрийн гэсэн ангилалтай болох шаардлагатай болсон билээ. Харин хүнсний ногооны ноот түгээмэл биш бөгөөд заримдаа огт өөр ургамлаас ойролцоо үнэрийг нь гаргаж авдаг. Жишээ нь: манжингийн үнэрийг өөрөөс нь биш харин цахилдаг цэцэгний үндэслэг ишнээс гаргаж авдаг байна.
3. Цэцгийн төрөл /FLORAL/ нь эмэгтэйчүүдийн дурладаг амтлаг, тансаг, ялдам зөөлөн үнэртэй. Үүнд: иланг иланг, мэлрэг, сарнай, гашуун жүржийн цэцэг гэх мэт орно.
4. Цагаан цэцэгсийн төрөл /WHITE FLOWERS/ Энэ нь цэцэгсийн бүлгийн дэд бүлэг боловч “цагаан цэцэгсийн” хэмээх бүхэл бүтэн үнэртний ангилалын суурь болдог учир өөрийн гэсэн байр суурийг зүй ёсоор эзэлдэг билээ. Цагаан цэцэг бүлэгт жүржийн цэцэг, мэлрэг, гардения, булцуут цэцэг, улаан мэлрэг цэцэгс багтдаг.
5. Ногоон, өвслөг, фюжер /GREENS, HERBS AND FOUGERES/ Ногоон гэдэг нэршлээр бид шинэхэн хадсан ногоон зүлэг болон няцалсан навчсыг илэрхийлнэ. Энэхүү ангилалд мөн галбанум мэтийн сонгодог хурц үнэртэй охь бас багтдаг бөгөөд энэ нь хурц гашуун ногоон үнэртэй өндөр өвсний давирхай юм.
6. Халуун ногооны /SPICES/ төрөл нь хоолны амтлагчтай адил цочирдуулах гашуун халуун ногооны үнэртэй. Үүнд: Кардамон, сүгмэл, лиш, цагаан гаа, хар чинжүү, нарс зэрэг багтана.
7. Мод ба хөвд /WOODS AND MOSSES/ төрөл нь мод бут, ой модны үнэртэй. Үүнд: атлантын хуш, гацуур, нарс зэрэг орно.
8. Бальзам буюу давирхайн төрөл /RESINS AND BALSAMS/ нь давирхайн өтгөн үнэртэй. Үүнд: бензойн, франкинсенс гэх мэт орно.
9. Чихэрлэг ба гурманд төрөл / SWEETS AND GOURMANDS/ Ихэвчлэн ваниль дээр суурилсан эдгээр үнэртнүүд нь шоколад, карамель, шинэхэн цөцгий гэх мэт энгийн үнэрээс авахуулаад макарон, крем, брюлэ, капкэйк, самартай чихэр гэх мэт илүү сонирхолтой амттангуудын үнэрийг хамарсан байдаг.
10. Заар хув амьтанлаг үнэр /MUSK, AMBER AND ANIMALLIC/ Амьтанлаг гэдэг нэршил нь шууд утгаар амьтны үнэрийг, эсвэл хүний амьтанлаг зөнг илэрхийлсэн хиймлээр гаргаж авсан төсөөллийн ноотуудыг илэрхийлнэ. Урд нь амьтанлаг ноотуудыг хүдэр, минж, халим, цивет гэх мэт амьтадаас гаргаж авдаг байсан бол орчин үед амьтдыг хамгаалах үүднээс зөвхөн синтетик аргаар хиймлээр гаргаж авах болжээ.
11. Ундаа  /BEVERAGES/ Үнэртнүүд хольцондоо зарим нэгэн бидний дуртай түгээмэл ундаануудын үнэрийг оруулах нь байдаг. Жишээ нь: тансаг оргилуун дарсны охь, Кока-Коланы бага зэрэг түлэнхий чихэрлэг амт, Пиня Колада коктейлийн халуун орны төрх, аяга каппучиногийн өтгөн ааг.
12. Газар, шорооны төрөл /NATURAL /нь борооны дараах газар шорооны үнэрийг мэдрүүлэх мэт үнэртэй. Үүнд: луувангийн үр, пачули гэх мэт ургамлууд ордог.